Merii Dhadkan Ban Gaye Tum

Jab kalam liya haath mein

Ghazal bann gaye tum

Jab bhi nazar uthaayi

Nazaara ban gaye tum!

Jab bhi kuch kehna chaha

Ishaara bann gaye tum

Doob raha tha jab jazbaat ke samandar mein

Saahil bann gaye tum

Kehne ko tha bahut kuch

Parr kuch naa keh saka main,

Bina kuch kahe

Bahut kuch keh gaye tum!

Haathon mein tha haath jab,

Doori thi dilon mein,

Aaj doori hai hum mein magar,

Dil ke bahut kareeb aa gaye ho tum!

Jab bhi saans li maine

Hawa bann gaye tum,

Jab bhi dua mein haath uthaaye

Dua bann gaye tum,

Jab bhi chalak gayi aankhen,

Aansoon ban gaye tum,

Nahin jaan saka main…

Jaane kab meri dhadkan bann gaye tum!