naya safar (episode-1)

hotel ke saamne sadak ke us par nazar aate samundar se mulaqat ka irada tha,
mausam suhana, sham thi aadhi aur chand bhi aadha tha,
lehrein halke halke se koi dhun suna rahi thi,
aur hawa bhi usse sur milakar koi sargam ga rahi thi,
aaj tak likhne ke liye na jaane kitne hi khayali sagar ke khayali kinare banaye hain,

par aaj jaise ki saare khayal haqeeqat ban saamne aaye hain,
thandi hawa mein balcony mein halke andhere mein is haseen nazare ko shabdon
mein kaid karne ka junoon chad aya hai,
kitni hi baar is kudrat ke i'jaazon ne shayaron ko haraya hai,
par kayi baar ye kudrat mujhse hai haari,
aur is baar bhi meri koshish rahegi jaari….